Хохлов Роман Михайлович
ШҚО Мәдениет басқармасы «Шығыс Қазақстан облыстық филармониясы» КМҚК солисті
Хохлов Роман Михайлович 1995 жылдың 3 сәуірінде дүниеге келген.
2011 жылы халық әртістері ағайынды Абдуллиндер атындағы Шығыс Қазақстан өнер училищесіне «Хор дирижері» мамандығы бойынша оқуға түскен, кейін 2015 жылы Ресей Федерациясының Барнаул қаласында орналасқан Алтай өлкесінің мәдениет институтына оқуға қабылданған. 3-курсынан бастап Барнаул қаласындағы «Алтай өлкесінің мемлекеттік филармониясы» халық әндері ансамблінің солисті ретінде жұмыс істеді. «Вечерки» халық әндері ансамблінде жеке орындаушылық жұмыстар атқарды, ансамбль түрлі қалалар мен елдерде гастрольдер өткізді, оның ішінде: Корея, Қазақстан, Мәскеу, Томск, Бийск, Сочи, Омск және т.б.  
Сондай-ақ ұжымдармен бірлесіп жұмыс істеді: Ресей Федерациясының халық артісі Н. Бабкина басқаратын «Мәскеу мемлекеттік академиялық «Русская песня» театры», «Кубань казактар хоры» – көркемдік жетекшісі Виктор Захарченко. Сонымен қатар Пипекин В.М., Иванов Олег, Емелин Николай сияқты орындаушылармен бір сахнада өнер көрсетті.  
2013 жылы өнер училищесінің өміріне белсенді қатысып, «Злато» ансамблінің құрамында Қазақстан, Ресей және Еуропа елдерінде гастрольдерге шықты. 
2014 жылы Швейцарияда өткен халық музыкасының халықаралық съезіне қатысты. 
2017 жылы Мәскеу қаласында өткен «Народное дарование» фестиваліне қатысты. 
2018 жылы Оңтүстік Корея, Пхёнчхан қаласында өткен Қысқы Паралимпиада ойындарына «Вечерки» ансамблінің солисті ретінде қатысты. 
2019 жылы Ресейдің Барнаул қаласында өткен «Поверь в себя» музыкалық тележобасында өнер көрсетті. 
2023 жылы Ресей, Мәскеу қаласында Андрей Малаховтың «Песни от всей души» телебағдарламасына қатысты. 
Хохлов Роман Михайлович 2024 жылы «Шығыс Қазақстан облыстық филармониясы» КМҚК  ұжымына солист болып қабылданды. Жұмыс кезеңінде кәсіби біліктілігін және білімін көрсетті. 
Қызметі: Жеке әнші-вокалист, оркестрлердің, ансамбльдердің солисті. 
Репертуарға қатысуы: 
- 2024 жылы Астана қаласында өткен Көшпелі халықтардың V Әлемдік ойындарына қатысып, концерттік бағдарламада өнер көрсетті. 
Техникалық шеберлік: Кәсіби вокалдық шеберлікті, диапазонды, техника мен әртүрлі күрделі вокалдық туындыларды орындау деңгейін үнемі арттыру үшін жұмыс істейді.