«Масленица»
Феклистовка ауылындағы музыка, дәстүр және мереке ✨
21 ақпан 2026 жылы «Ауыл – Ел бесігі» жобасы аясында ЖСК Киевский «Легенды Алтая» базасында халықтық дәстүрлі «Масленица» мерекесіне арналған бірлескен іс-шара өтті. Іс-шараға облыстық филармонияның солисттері: Майжаров Қайрат, Рыспаева Асем, Юрочкина Юлия, Хохлов Роман қатысты.
Көрермендер жарқын вокалдық нөмірлерге, әсерлі орындауға және шынайы мерекелік жылы атмосфераға куә болды. Концерт ауыл тұрғындары үшін нағыз сыйлыққа айналып, қуаныш, шабыт және ұмытылмас әсер сыйлады.
Қонақтардың айрықша ықыласын жылқылар мен иттердің таныстырылымы аударып, мерекенің сәнін кіргізіп, көркемдік әсері мен есте қаларлық сәттерін арттырды.
Мереке ересектер мен балаларды біріктіріп, бұл күнді жылулыққа, күлкіге және жағымды әсерлерге толтырды.