Ағымдағы жылдың 9 наурызы күні, Шығыс Қазақстан облыстық филармонияның көрермендер залында айтыс ақындары мен жыршы-термешілердің Халықаралық Одағының ұсынуымен жазушы Қалихан Ысқақовтың 90 жылдығына арналған «Қара сөздің қарагері – Қалихан» атты республикалық ақындар айтысы өтті.

Айтысқа Қазақстан Республикасының облыстарынан келген 12 ақын қатысты.

Ақындар айтысының әділқазылар алқасы: - әділқазылар алқасының төрағасы, айтыс ақындары мен жыршы-термешілердің Халықаралық Одағының басқарма төрағасы, «Қазақстанның еңбек сіңірген қайраткері» Жүрсін Ерман; - жазушы, публицист, ҚР Жазушылар Одағы ШҚ облыстық филиалының директоры Әлібек Қаңтарбаев; -  белгілі ақын, «Дарын» мемлекеттік жастар сыйлығының лауреаты, «Қазақстанның еңбек сіңірген қайраткері»  Қалқаман Сарин; - ақын, ҚР Парламент мәжілісінің депутаты, «Қазақстанның еңбек сіңірген қайраткері» Жанарбек Әшімжан; -  ақын, айтыс ақындары мен жыршы-термешілердің Халықаралық Одағының Абай облысы бойынша филиалының директоры Дәулет Сметов; - әділқазылар алқасының мүшесі, ақын, жыршы, журналист, ҚР Мәдениет қайраткері, «Айтыстың ақтаңгері» атағының иегері Серік Құсанбаев; - Қазақстан Жазушылар Одағының мүшесі, айтыс ақындары мен жыршы-термешілердің Халықаралық Одағының мүшесі, Мәдениет саласының үздігі, «Құрмет» орденінің иегері Серікзат Дүйсенғазы; - әділқазылар алқасының сарапшысы Өміржан Көпбосыновтар болды.

Айтыскер қатысушылар диплом және сыйақымен марпатталды.

ІІІ орын - Жансая Мусина, Біржан Байтуов;

ІІ орын  - Иранғайып Күзенбаев, Аспанбек Шұғатай;

І орын - Рүстем Қайыртай;

Бас  жүлде - Серік Қуанған.