2026 жылдың 16 қазанында Шығыс Қазақстан облыстық филармониясының концерт залында «Туған жер – алтын бесігім» жобасы аясында Риддер қаласының мәдени күндері өтті.

Іс-шара аясында қаланың тарихын, мәдени мұрасын, табиғи байлығын, жергілікті өндірушілердің өнімдерін және заманауи технологиялық жетістіктерін таныстыратын көрме ұйымдастырылды. Көрмеде сирек кездесетін басылымдар, тақырыптық инсталляциялар, голограммалар, ұлттық нақыштағы бұйымдар, табиғи өнімдер мен жергілікті шеберлердің жұмыстары ұсынылды.

Сонымен қатар Риддер қаласындағы № 1 мектеп-лицей оқушылары экология, инженерия және цифрлық технологиялар бағытындағы инновациялық жобаларын таныстырды.

Мәдени күндер гала-концертпен жалғасты. Концерттік бағдарлама шығармашылық қойылымдармен, заманауи мультимедиалық шешімдермен және жасанды интеллект сүйемелдеуімен ерекшеленді.

Іс-шара Риддер қаласының мәдени және табиғи әлеуетін, жергілікті өндірушілердің жетістіктерін және дарынды жастардың шығармашылық әрі инновациялық бастамаларын кеңінен таныстыруға мүмкіндік берді.